నీ లేఖలో ని ప్రతీ వాక్యం
ఎన్ని కబుర్లు చెబుతుందో
నిశ్శబ్ధం గా
ఎన్ని జ్ఞాపకాలను తడుతుందో
ఇరికించి మరీ రాసే అక్షరాలు
ఎంత ఆప్యాయతను చూపిస్తాయో
చదివిన ప్రతీ సారీ మదిలో
ఎన్ని రంగులను నింపుతున్నాయో
అల్మారాలో,బట్టల మడతల్లో
పరుపు క్రింద,ఫొటోల వెనుక
ఎక్కడ చూసినా నీ అక్షరాలే
వాటి తాలూకూ పరిమళాలే
ఎప్పుడూ నీ ఉత్తరాలతో పాటూ
నా దగ్గరగా నువ్వు
-స్నేహం తో
నీ చిరు నవ్వు
