రేపటి కానుక

నిజాన్ని అద్దంలోంచి చూస్తూ
అబద్దంలో
హాయిగా తిరిగేస్తున్నాం

ఆకలి కేకలు వింటూ
అయ్యోపాపమంటూ
నిట్టూర్చి వదిలేస్తున్నాం

సుఖాన్ని పెంచుకుని
సంతోషాన్ని కుదించుకుని
మరమనుషుల్లా మిగిలిపోతున్నాం

విలువమారే కాగితాన్ని చూపిస్తూ
మాకేం తక్కువంటూ
ఎదురు ప్రశ్నలు వేస్తున్నాం

ఎంతో విజ్ఞానం సంపాదించి
అంతటి విశ్వాన్ని చేధించి
పచ్చటి దారిలో ముళ్ళ తివాచీలేస్తున్నాం
రేపటి తరానికి ఎడారుల్ని కానుకిస్తున్నాం

???

నీ-నా పరిచయం చిరునవ్వుల వరకేనా ?
నీ చూపుల్లో నా స్థానం రెప్పపాటేనా?

నీ గతం లో నా చిరునామా మచ్చుకైనా దొరికేనా
ఏ నిమిషానైనా నీ స్నేహం నన్ను పోల్చేనా?

పై చిత్రాన్ని వాడుకునేందుకు అనుమతించిన "పృధ్వీ వర్మ" గారికి ధన్యవాదాలు.