భయం

కనులు తెరవాలంటే భయం
కలలోనే నీ రూపం కనుమరుగయిపోతుందని
కనులు మూయాలంటే భయం
ఎదుటనిలిచిన నిను చూడలేనేమో అని
వాస్తవం లోకి చూడడం భయం
కలలోనే నువ్వు మిగిలిపోతావని
స్వప్నం లోనే వుండడం భయం
నిజం లో నిన్ను కోల్పోతానేమొ అని
నిను గూర్చి ప్రతీదీ భయమే...
కలుసుకోవాలంటే భయం
విడిపోతామేమోఅని
విడిపోవాలంటే భయం
ఇక కలుసుకోలేనేమొ అని
నిను మరచిపోదామంటే భయం
నే జీవించలేనేమో అని
పోని మరణిద్దామంటే భయం
ఇక నిను చూడలేను కదా అని
ఇలా... అన్నీ..భయం భయం భయం