ఆ క్షణం

ఎన్నాళ్ళో ఎదురుచూసిన తరుణం
తరలి వచ్చింది నా కోసం
తీసుకొచ్చింది మధుమాసం
ఎన్నో చెప్పాలనుకున్నాను ఆ క్షణం
చెప్పలేక తడబడుతున్నాను ప్రతీ అక్షరం
కానీ.....
మాటలన్ని మౌనాలై తనని పలకరించాయి
మదిలోని భావాలన్ని నవ్వులై ఊసుల్ని తెలిపాయి
పట్టలేని ఉద్వేగంతో రెప్పలేమో వాలిపోయాయి
వలపులన్ని సిగ్గులై తలను వంచేసాయి
నాఓరచూపుతో తన కొంటె చూపు కలిసి 
చెక్కిళ్ళు చిక్కబడి పోయాయి
ఆ మనసుతో ఈ మనసు చిక్కుబడి 
నూరేళ్ళ బంధంతో ముడిపడిపోయాయి