నడి రేయిలో

చల్లని చీకటి తెచ్చిన చక్కటి చుట్టాన్ని చూస్తుంటే
చప్పున మెదిలిన నచ్చినవాడి రూపం
గుప్పెడు మల్లెల వాసనలా ఉక్కిరిబిక్కిరి చేస్తుంటే
వెచ్చని తలపులు కప్పుకున్న హృదయం
చెప్పలేని పరవశంలో చిక్కుకుని చిరునవ్వులొలికిస్తుంది

ఈ తరం

అలారం మోతలతో
ఉలికిపాటు మెలకువలు
అలసిన మనసులతో
కలలులేని కలత నిదురలు

పోగొట్టుకుంటున్నది పోల్చుకోలేని
పొందుతున్నది పంచుకోలేని
భారమయిన బిజీ జీవితాలు
త్రుప్తి తెలియని చింతా చిత్తాలు

పగలంతా క్షణాలకు విలువకట్టుకుంటూ
రాత్రంతా ఆనందాలకు అర్ధాలు వెతుక్కుంటూ....
ఇక ఇంతేనా ఈ తరాలు
మార్పు తెచ్చేనా భావితరాలు!

తొలి ప్రచురణ poddu.net లో