మరపు

ప్రతి నవ్వులో నీ మాట వింటూ 

ప్రతి మోములో నీ రూపు కంటూ 

ప్రతి అనుభూతిలో నీ ఆనవాళ్ళంటూ 

చదివే ప్రతి పుటలో నువ్వున్నావంటూ 

ఇలా బ్రతికేస్తున్నానంతే... .. 

నిజానికి ఎదీ నువ్వెక్కడున్నావు? 

నువ్వొక జ్ఞాపకమంతే 

గుర్తు చేసుకుంటే గుర్తొస్తావు 

అదొక అనుభూతి అంతే 

వద్దనుకుంటే మర్ఛిపోగలను......... మర్ఛిపోయాను

నువ్వు లేకపోయినా

అనుకోకుండా కలిసి
అడగకుండా యదలో చేరి
ఆశలు రేపి ఆశయం చూపి
మనిషిని చేసి
మనసుని దోచి
మదిలో నిలిచిన ఆమె నన్నొదిలి వెళితే..
నేను జీవించగలనా?
జీవించినా ఆమె జ్ఞాపకాలతో మామూలుగా మనగలనా?
అనుకొన్నా!
ఇది మూడేళ్ళ క్రితం మాట
కాని ఇంతలోనే బ్రతికేస్తున్నా

ఆమె జ్ఞాపకాలు మచ్చుకి సైతం లేకుండా