స్నేహం

ఈ స్నేహం..ఈ ఆనందం
శాశ్వతమవుతాయనుకున్నాను
ఇలా నా జీవితం
స్నేహితులతో వసంతం లో
పున్నమి వెన్నెల రేయి లాగడిచిపోతుందనుకున్నాను
అదేమిటో...కాలానికి స్నేహం పై తగని కక్షేమో
చిరునవ్వులు ఛిన్నం చేసేందుకు
త్వరత్వరగా కదిలిపోతుంది
సంవత్సరాలని క్షణాలలా కరిగించేస్తుంది
విడిపోక తప్పదని గుర్తుచేస్తుంది
స్నేహమా....గమ్యం నీవవుతావనుకున్నాను
కానీ మజిలీ చేసి వెళుతున్నాను
.............................................
 
తోడుగా ఆలోచనల్లో నా నేస్తాలు...
జ్నాపకాలలో నవ్వుల పూవులు పూయిస్తూ
శూన్యాన్ని సైతం సందడిగా మారుస్తూ..