నువ్వు-నేను

నీ కళ్ళలోకి చూసిన ప్రతీసారి
నాకు తెలుస్తుంది..నా మీద నీకున్న భావనేమిటో
నాకోసం నీవుపడే ఆరాటం చెపుతుంది..
నేను నీకు ఏమవుతానో
అప్పుడప్పుడు నా కళ్ళకి పట్టుబడే
నీ కన్నుల తడబాటు చూస్తుంటే
భలే సరదా అనిపిస్తుంది
నీ యద ఘోష నాకు తెలుసురా..అని
చెవి మెలిపెట్టి మరీ చెప్పాలనిపిస్తూవుంటుంది
కానీ
ఇంతగా ఆరాధిస్తున్న నువ్వు
ఆ మాట చెపుతుంటే వినాలనివుంది
అందుకే...గోదారి లాంటి నా ప్రేమకు ఆనకట్ట వేసి
తొలకరి చినుకు లాంటి నీ మాటకై ఎదురుచూస్తున్నాను
నీ అడుగు తో జత కలిపే క్షణం కోసం ఆశగా నిరీక్షిస్తున్నాను