నువ్వు

ఏమిటో నీ ఊహల జడిలో
ఎంత తడిసినా తనివి తీరదు
అమ్మ చేతి గోరుముద్ద తింటున్నట్టుగా
వుంటుంది నీ జ్ఞాపకం
ఆకాశం లో హరివిల్లు విరిసినప్పుడల్లా
నీ నవ్వే గుర్తొస్తూ వుంటుంది

ఎందరి యదల రొదలో
నీ పేరు స్వరమై వుందో ..
ఎందరి కలల కన్నుల్లొ
నీరూపు నిలిచిపోయిందో నీకు తెలుసా

ఇంతకి నువ్వెక్కడ వున్నావు?
ఆరాధకుల గుండెల్లో కాకుండా..

నువ్వెప్పుడు వస్తావు?
రెప్పల మాటున స్వప్నం లా కాకుండా