Wednesday, October 04, 2006

తన రాక కోసం



నచ్చిన నెచ్చెలి చెప్పే
తొలకరి చినుకుల్లాంటి ముద్దు మాటల్లో
ముద్దగా తడిసిపోవాలని
తొలి వేకువ నుండి ఎదురుచూస్తుంటాను
ఒంటరిగా కాదులెండి
తోడుగా ఆమె తలపులు


తను ఒకసారి వచ్చి వేల వసంతాలను
కానుకిచ్చివెళుతుంది

అనుభూతుల వానలో తడిపి

ఆరేలోపు వచ్చేస్తానంటుంది

నాకు మాత్రం
మనసు కన్నులతో చెప్పిన ముచ్చట్ల తో
రేయి కల లా సాగిపోతుంది

నెచ్చెలి తెచ్చే
నవ్వుల కోసం ఎదురుచూపుల్లో
మళ్ళా వెన్నెల వచ్చేస్తుంది


4 comments:

spandana said...

ఇది మీ మరో అందమైన కవిత.

--ప్రసాద్
http://charasala.com/blog/

అభిసారిక said...

బాగుంది రాధిక :)

Anonymous said...

"అనుభూతుల వానలో తడిపి
ఆరేలోపు వచ్చేస్తానంటుంది"

!!!

swathi said...

రాధికా..
గడ్డకట్టిన గుండెను నీ భావాలతో కదిలిస్తావు.
ఎండిపోయిన కళ్ళ వెనుకనుంచి చెమరింతల్ని పట్టి తెస్తావు.
ఎక్కడో వదిలేసి వచ్చిన జ్ఞాపకాల లంకె బిందెల్ని తవ్వి తీస్తావు.
మా అనుభూతులతో ఆడుకునే ఈ అందమైన అధికారం నీకెవరిచ్చారు..

i'm really thankful to u నా మనుసుకి నన్ను గుర్తు చెయ్యటానికి సాయపడినందుకు..