తన రాక కోసం

నువ్వు చెప్పే తొలకరి చినుకుల్లాంటి 

ముద్దు మాటల్లో ముద్దగా తడిసిపోవాలని 

తొలి వేకువ నుండి ఎదురుచూస్తుంటాను 

ఒంటరిగా కాదులే... తోడుగా నీ తలపులే ! 

నువ్వు ఒకసారి వచ్చి 

వేల వసంతాలను కానుకిచ్చివెళతావు 

అనుభూతుల వానలో తడిపి 

ఆరేలోపు వచ్చేస్తానంటావు

నాకు మాత్రం 

మనసు కన్నులతో చెప్పిన ముచ్చట్ల తో 

రేయి కల లా సాగిపోతుంది 

నువ్వు తెచ్చే నవ్వుల కోసం 

ఎదురుచూపుల్లో మళ్ళా వెన్నెల వచ్చేస్తుంది !