Wednesday, October 04, 2006

తన రాక కోసం

నువ్వు చెప్పే తొలకరి చినుకుల్లాంటి 
ముద్దు మాటల్లో ముద్దగా తడిసిపోవాలని 
తొలి వేకువ నుండి ఎదురుచూస్తుంటాను 
ఒంటరిగా కాదులే... తోడుగా నీ తలపులే ! 
నువ్వు ఒకసారి వచ్చి 
వేల వసంతాలను కానుకిచ్చివెళతావు 
అనుభూతుల వానలో తడిపి 
ఆరేలోపు వచ్చేస్తానంటావు
నాకు మాత్రం 
మనసు కన్నులతో చెప్పిన ముచ్చట్ల తో 
రేయి కల లా సాగిపోతుంది 
నువ్వు తెచ్చే నవ్వుల కోసం 
ఎదురుచూపుల్లో మళ్ళా వెన్నెల వచ్చేస్తుంది ! 

4 comments:

spandana said...

ఇది మీ మరో అందమైన కవిత.

--ప్రసాద్
http://charasala.com/blog/

అభిసారిక said...

బాగుంది రాధిక :)

Anonymous said...

"అనుభూతుల వానలో తడిపి
ఆరేలోపు వచ్చేస్తానంటుంది"

!!!

Anonymous said...

రాధికా..
గడ్డకట్టిన గుండెను నీ భావాలతో కదిలిస్తావు.
ఎండిపోయిన కళ్ళ వెనుకనుంచి చెమరింతల్ని పట్టి తెస్తావు.
ఎక్కడో వదిలేసి వచ్చిన జ్ఞాపకాల లంకె బిందెల్ని తవ్వి తీస్తావు.
మా అనుభూతులతో ఆడుకునే ఈ అందమైన అధికారం నీకెవరిచ్చారు..

i'm really thankful to u నా మనుసుకి నన్ను గుర్తు చెయ్యటానికి సాయపడినందుకు..